Bu gün İran prezidenti Məsud Pezeşkian ölkədə yaranmış vəziyyət fonunda milli birliyin əhəmiyyətini vurğulayıb.
Zefer.media xəbər verir ki, Pezeşkian son hadisələr zamanı İran xalqının 100 gündən artıq müddətdə ölkəni və inqilabı müdafiə edərək birlik nümayiş etdirdiyini bildirib.
Onun sözlərinə görə, məhz həmin həmrəylik və dözümlülük düşmənlərin planlarının pozulmasında mühüm rol oynayıb.
İran Prezidenti qeyd edib ki, müxtəlif təzyiqlərə baxmayaraq, xalqın dəstəyi və vəhdəti ölkənin ən böyük sərvəti olaraq qalır.
“İran əleyhinə hazırlanmış bir çox plan və hesablamalar xalqın göstərdiyi həmrəylik sayəsində uğursuzluğa düçar olub” –
Pezeşkian əlavə edib.
Zərintac Mayisqızı
