Ermənistanın Baş naziri Nikol Paşinyan hakim Vətəndaş Müqaviləsi Partiyasının onu 7 iyunda keçiriləcək parlament seçkilərində hökumət başçısı vəzifəsinə namizəd göstərdiyini açıqlayıb.
Zefer.media xəbər verir ki, bu barədə “Sputnik Armenia” məlumat yayıb.
Baş nazirin açıqlamasında partiyadaxili ilkin seçkilərin iki mərhələsinin başa çatdığı və nəticələrinin yekunlaşdırıldığı qeyd olunub.
Paşinyan səsvermənin təşkilinə görə say komissiyasının sədri, Parlamentin sədr müavini Hakob Arşakyana təşəkkür edib.
Paşinyan söyləyib: “Partiya yoldaşlarıma mənə yenidən etibar etdiklərinə və baş nazirliyə namizəd kimi partiyanın proporsional siyahısına rəhbərlik etmək imkanına görə təşəkkür edirəm”.
Xatırladaq ki, ilkin səsvermə nəticələrinə görə, Paşinyan 933, xarici işlər naziri Ararat Mirzoyan 853, müdafiə naziri Suren Papikyan 842, iqtisadiyyat naziri Gevorq Papoyan 806 və vitse-spiker Ruben Rubinyan 782 səs toplayıb. İlk onluqda sonrakı yerləri səhiyyə naziri Anahit Avanesyan (780), deputat Vahaqn Aleksanyan (777), hökumət aparatının rəhbəri Raki Harutyunyan (766), parlamentdəki Dövlət Dumasının fraksiyasının rəhbəri Hayk Koncoryan (747) və əmək və sosial məsələlər naziri Arsen Torosyan (745) tutur. Qeyd edilib ki, partiyanın proporsional seçki siyahısı bu səsvermənin nəticələrinə əsasən, lakin qadınların nisbəti daha yüksək olmaqla (siyahıdakı hər dörd yerə ən azı bir) formalaşdırılmalıdır.
Zərintac Mayisqızı
