“Moskvanın veto qoyduğu Hörmüz boğazı ilə bağlı qətnamə layihəsi İrana qarşı təcavüzkar hərəkətləri davam etdirmək üçün faktiki olaraq kart-blanş verir”.
Zefer.media xəbər verir ki, bunu Rusiyanın BMT-dəki daimi nümayəndəsi Vasili Nebenzya Təhlükəsizlik Şurasının iclasında bildirib.
Diplomatın sözlərinə görə, belə birtərəfli qətnamənin qəbulu danışıqlar prosesinin bərpası perspektivlərini təhlükə altına qoyardı.
Nebenzya vurğulayıb ki, ABŞ və İsrailin İran ərazisinə endirdiyi zərbələr nəticəsində çox sayda mülki şəxs həlak olur.
Bundan əlavə, Rusiyanın Daimi Nümayəndəsi qeyd edib ki, Rusiya Çinlə birlikdə Təhlükəsizlik Şurasına dəniz təhlükəsizliyi məsələləri də daxil olmaqla, regiondakı vəziyyəti nəzərə alan alternativ qətnamə layihəsini nəzərdən keçirməyi təklif edir.
O, ayrıca olaraq region ölkələrini birbaşa dialoqa çağırıb.
Nebenzya həmçinin ABŞ-ni diplomatik səyləri pozmaqda ittiham edib.
Zərintac Mayisqızı
