Bu gün Azərbaycan media məkanında fəaliyyət göstərən Medianews.az xəbər portalının yaranmasının 14-cü ildönümüdür.
Zefer.media xəbər verir ki, 2012-ci il sentyabrın 23-də fəaliyyətə başlayan Medianews.az ötən 14 il ərzində ölkənin informasiya məkanında öz yerini formalaşdıraraq müxtəlif mövzularda operativ və aktual xəbərləri oxuculara təqdim edib. Portal fəaliyyət göstərdiyi müddətdə ölkə gündəmi ilə yanaşı, siyasət, dünya, cəmiyyət, sosial məsələlər, iqtisadiyyat, hadisələr, idman, kriminal, media, təhsil, texnologiya, səhiyyə, ekologiya, mədəniyyət və digər istiqamətlərdə materiallar yayımlayıb.
Medianews.az illər ərzində yalnız gündəlik xəbərlərlə deyil, müxtəlif müəllif yazıları, analitik materiallar, müsahibələr və köşə yazıları ilə də informasiya gündəminə töhfə verib. Portalın fəaliyyətində fərqli mövzuların geniş auditoriyaya çatdırılması və oxucular üçün aktual informasiyanın təqdim olunması əsas istiqamətlərdən biri olub.
14 il ərzində Medianews.az-ın fəaliyyətinin arxasında böyük bir kollektivin əməyi, jurnalistlərin, redaktorların və digər media əməkdaşlarının gündəlik zəhməti dayanıb. Bu illər ərzində portalın formalaşmasında əməyi olan hər bir şəxsin fəaliyyəti Medianews.az-ın keçdiyi yolun mühüm hissəsidir.
Bu əlamətdar gün münasibətilə Zefer.media olaraq Medianews.az-ın kollektivini 14 illik yubiley münasibətilə səmimi-qəlbdən təbrik edirik.
Medianews.az-a bundan sonrakı fəaliyyətində də yeni uğurlar, peşəkar inkişaf, yaradıcılıq nailiyyətləri və geniş oxucu auditoriyası arzulayırıq.
14 illik fəaliyyət yolunuz mübarək olsun, Medianews.az! Daha böyük uğurlara doğru!
