Şimali Kiprdə fəaliyyət göstərən “European University of Lefke (Lefke Avropa Universiteti) International Education Fair “2026 (IEF 2026) çərçivəsində Hilton Baku otelində keçirilən beynəlxalq təhsil sərgisində Bakı nümayəndəliyi ilə iştirak edib.
Beynəlxalq universitetlərin, təhsil agentliklərinin və karyera qurumlarının bir araya gəldiyi sərgi “top universitetlərin beynəlxalq sərgisi, master-klasslar və Career Fair” formatında təşkil olunaraq təhsil və karyera imkanlarını bir platformada birləşdirib.
Tədbir zamanı universitetin bakalavr və magistratura proqramları, qəbul şərtləri, təqaüd imkanları və beynəlxalq akademik perspektivləri barədə ziyarətçilərə ətraflı məlumat verilib.
1990-cı ildən fəaliyyət göstərən universitet Kipr Bilim Vəqfi tərəfindən təsis olunub və Türkiyə Ali Təhsil Şurası tərəfindən tanınır. Rəsmi məlumatlara əsasən, ali təhsil müəssisəsi müxtəlif ixtisas istiqamətləri və geniş beynəlxalq tərəfdaşlıqları ilə seçilir. Universitet 2026-cı il üzrə QS World University Rankings siyahısında 751–800 aralığında yer alır.
Sərgi çərçivəsində abituriyent və valideynlərin diqqətinə çatdırılıb ki, 2025–2026-cı tədris ili üçün azərbaycanlı tələbələrə bakalavr və magistratura səviyyələrində sərfəli qəbul imkanları təqdim olunur. Tədris həm ingilis, həm də türk dillərində aparılır. Universitetdə turizm, stomatologiya, əczaçılıq, iqtisadiyyat və idarəetmə, mühəndislik, informasiya texnologiyaları, memarlıq və dizayn, hüquq, kənd təsərrüfatı və texnologiyaları kimi müxtəlif ixtisaslar üzrə təhsil almaq mümkündür.
Təqdimat zamanı bildirilib ki, tələbələr universitetin geniş beynəlxalq əməkdaşlıq şəbəkəsindən yararlanmaq imkanı əldə edirlər.
Universitet nümayəndələrinin sözlərinə görə, tələbələr üçün 70 faizə qədər təqaüd imkanları, münasib təhsil haqları və beynəlxalq akademik mühit gələcək karyera baxımından mühüm üstünlüklər yaradır. Xüsusilə magistratura təhsili almaq istəyənlər üçün təqdim olunan əlverişli maliyyə şərtləri böyük maraq doğurur.
Sərgidə iştirak edənlərə qəbul üçün tələb olunan sənədlər barədə də məlumat verilib. Qaydalara əsasən, müraciət zamanı şəxsiyyət vəsiqəsi, pasport, attestat və ya diplom, transkript, həmçinin bu sənədlərin ingilis dilinə təsdiqlənmiş tərcümələri tələb olunur.
Universitetin Azərbaycan nümayəndəliyindən bildirilib ki, xaricdə keyfiyyətli və sərfəli ali təhsil almaq istəyən gənclər üçün Lefke Avropa Universiteti perspektivli seçimlərdən biri hesab olunur və azərbaycanlı tələbələr üçün yeni imkanlar yaradır.
Qeyd edək ki, universitetin Bakı nümayəndəliyi ilə əlaqə saxlamaq üçün +994 50 312 39 82 nömrəsinə müraciət etmək mümkündür.
