Pakistanın paytaxtı İslamabad artıq ikinci həftədir ki, sərt məhdudiyyətlər və təhlükəsizlik tədbirləri altında saxlanılır.
Zefer.media xəbər verir ki, bu barədə “Reuters” agentliyi məlumat yayıb.
Bildirilib ki, hakimiyyət orqanları hələ baş tutmamış mümkün ABŞ–İran sülh danışıqlarını gözlədiyi üçün şəhərdə faktiki “karantin” rejimi tətbiq edilib.
Məlumata əsasən, paytaxtda əsas yollar bağlanıb, ictimai nəqliyyat dayandırılıb. Şəhərə ərzaq və digər məhsullar gətirən təchizat maşınları isə şəhərdən kənarda saxlanıldığı üçün bazarlarda çatışmazlıq yaranıb.
Pakistan rəsmiləri qeyd ediblər ki, nümayəndə heyətlərinin, hətta ABŞ prezidenti Donald Trampın da daxil ola biləcəyi mümkün səfər qısa müddətdə baş tutarsa, təhlükəsizlik tədbirləri qüvvədə qalmağa davam edəcək.
Zərintac Mayisqızı
