ABŞ ilə gərginliyin azaldılması məqsədilə bir sıra vasitəçilər tərəfindən Tehrana müxtəlif təkliflər təqdim olunub.
Zefer.media xəbər verir ki, bunu İran Xarici İşlər Nazirliyinin sözçüsü İsmayıl Bəqayi deyib.
Onun sözlərinə görə, bu təkliflər İran tərəfinə çatdırılıb və qəbul edilib, lakin hazırda onların detalları açıqlanmayacaq.
“Vasitəçilər tərəfindən təkliflər irəli sürülüb, bizə məlumat verilib və onları almışıq. Lakin indi detallara girməyəcəyəm. Əsas məsələ ondan ibarətdir ki, diplomatik missiya bu günlərdə fəal şəkildə işləyir və bir sıra vasitəçilərdən bəzi ideyalar bizə çatdırılıb. Bəli, bunu təsdiqləyirik”, – deyə Bəqayi bildirib.
Zərintac Mayisqızı
