“Pilotu xilas etmək üçün ABŞ-ın missiyası uğursuz olub”.
Zefer.media xəbər verir ki, bunu İran Hərbi Komandanlığının Mərkəzi Qərargahının sözçüsü İbrahim Zülfəqari bildirib.
“Düşmənin vurulan təyyarənin pilotunu xilas etmək səyləri uğursuz olub. İsfahanın cənubunda düşmənin hava hədəfləri, o cümlədən iki Black Hawk helikopteri və bir C-130 hərbi nəqliyyat təyyarəsi vurulub… onlar hazırda yanır”, – o deyib.
Bildirək ki, ABŞ prezidenti Donald Tramp daha əvvəl 3 apreldə İran qüvvələri tərəfindən vurulan F-15E qırıcı təyyarəsinin ikinci pilotunun xilas edildiyini açıqlayıb. O, pilotun yaralandığını və təhlükəsiz olduğunu bildirib. Amerika lideri onu xilas etmək üçün bir neçə saat davam edən genişmiqyaslı axtarış-xilasetmə əməliyyatının aparıldığını qeyd edib.
Zərintac Mayisqızı
