Sistan və Bəluçistan əyalətində, Əfqanıstanla sərhəddə yerləşən Zabol bölgəsində silahlı qarşıdurma baş verib.
Zefer.media xəbər verir ki, bu barədə FƏRACA-nın (İran Polis Komandanlığı) Zabol Sərhəd Mühafizəsinin komandiri Əliəkbər Cavidan bildirib.
Onun sözlərinə görə, Əfqanıstandan İran ərazisinə keçməyə çalışan silahlı qrupla sərhədçilər arasında atışma olub. Qarşıdurma nəticəsində 6 silahlı şəxsin öldürüldüyü bildirilir.
Cavidan iddia edib ki, həmin şəxslər sərhəd mühafizəsinin qərargahına hücum etməyi planlaşdırırdılar. Öldürülən şəxslərin kimliyi və hansı silahlı qruplaşmaya mənsub olduqları barədə hələlik məlumat açıqlanmayıb.
Zərintac Mayisqızı
