ABŞ Mərkəzi Komandanlığı (CENTCOM) İran bayrağı altında üzən bir yük gəmisinin ABŞ-nin İrana qarşı tətbiq etdiyi dəniz blokadasından yayınmağa çalışdığını, ancaq bunun qarşısının alındığını açıqlayıb.
Zefer.media xəbər verir ki, yük gəmisi Bəndər Abbas limanını tərk etdikdən sonra Hörmüz boğazından çıxaraq İran sahilləri boyunca hərəkət edib və blokadanı yarmağa cəhd göstərib.
Lakin ABŞ-nin idarə olunan raket esminesi USS Spruance gəmiyə müdaxilə edərək onun istiqamətini dəyişib və nəticədə yük gəmisi geri dönərək yenidən İran istiqamətində yollanıb.
CENTCOM bildirib ki, indiyədək 10 gəmi İrana qayıtmağa “məcbur edilib” və ABŞ-nin blokadası bazar ertəsindən etibarən tətbiq olunduğu müddətdə heç bir gəmi həmin blokadanı yarmağa müvəffəq olmayıb.
Qeyd edilib ki, dəniz blokadası ABŞ prezidenti Donald Trampın əmri ilə bu həftə başladılıb.
Zərintac Mayisqızı
