İran xarici işlər nazirinin müavini Kazım Qəribabadi ABŞ ilə əldə olunan anlaşma memorandumu ilə bağlı açıqlama verərək sənədin Tehran tərəfindən təsdiqləndiyini bildirib.
Zefer.media xəbər verir ki, o, bu gündən etibarən Livan da daxil olmaqla bütün cəbhələrdə dərhal atəşkəsin elan olunduğunu vurğulayıb.
Qəribabadi həmçinin bildirib ki, razılaşmaya əsasən ABŞ İrana qarşı tətbiq etdiyi blokada tədbirlərini dayandıracaq.
İran rəsmisi qeyd edib ki, əldə olunan memorandum təkcə diplomatik danışıqların deyil, həm də İranın hərbi və siyasi mövqeyinin nəticəsidir.
O diqqətə çatdırıb ki, memorandumun tam mətni rəsmi imza mərasimindən sonra ictimaiyyətə açıqlanacaq.
Qəribabadi əlavə edib ki, sənəd qarşılıqlı etimad əsasında deyil, inamsızlıq şəraitində hazırlanıb və İran ABŞ-nin üzərinə götürdüyü öhdəliklərin icrasına ciddi nəzarət edəcək.
Zərintac Mayisqızı
