Hindistanda bəbirin yaşayış evinə daxil olması nəticəsində altı nəfər xəsarət alıb. Yaralılardan üçünün vəziyyətinin ağır olduğu bildirilir.
Zefer.media xarici mətbuata istinadən xəbər verir ki, hadisə gecə saatlarında yaşlı qadının həyətə çıxması ilə başlayıb. Bəbir qadına hücum edib. Onun kömək çağırışına gələn yaxınları da yırtıcının hücumuna məruz qalıb.
Ailə bəbirin otaqlardan birinə girməsindən sonra qapını bağlayaraq heyvanı içəridə saxlaya bilib. Daha sonra hadisə yerinə gələn meşə mühafizəçiləri və polis bəbirə sakitləşdirici iynə vuraraq onu evdən çıxarıb.
Qəmər Kazımzadə
