Hikmət Hacıyev Dubayda keçirilən Ərəb Media Forumunda çıxışı zamanı Ermənistanla sülhün əldə olunması prosesinin hələ də mürəkkəb olaraq qaldığını bildirib. Onun sözlərinə görə, Ermənistan rəhbərliyi də cəmiyyəti sülhə hazırlamalıdır.
Zefer.media xəbər verir ki, Hacıyev qeyd edib ki, Azərbaycan ərazisindəki xristian irsinin kimə məxsus olmasından asılı olmayaraq qorunub saxlanılmasını nəzərdə tutur. O bildirib ki, Azərbaycan bunu öz tarixinin və mədəniyyətinin bir hissəsi hesab edir. Hacıyev vurğulayıb ki, ölkədə İslam, xristian və yəhudi dinlərinə aid dini abidələr birgə mövcuddur.
O, həmçinin bildirib ki, sülh sazişi imzalandıqdan sonra Cənubi Qafqaz dezinformasiya ilə üzləşə bilər. Hacıyevin sözlərinə görə, Avropa İttifaqının regiona münasibətdə siyasəti Cənubi Qafqazdakı bütün ölkələrin maraqlarını nəzərə almalıdır.
Hacıyevin sözlərinə görə, Azərbaycanla Avropa İttifaqı arasında əlaqələrin inkişafına qaz tədarükü və Orta Dəhlizin yaratdığı nəqliyyat imkanları töhfə verə bilər.
