Fars körfəzi ölkələrinin ərazisinin və obyektlərinin ABŞ və İsrail tərəfindən İrana qarşı hərbi məqsədlərlə istifadə edilməsi Tehran tərəfindən təcavüzün bir hissəsi kimi dəyərləndiriləcək.
Zefer.media xəbər verir ki, bunu bu gün İran Xarici İşlər Nazirliyinin sözçüsü İsmayıl Bəqayi bildirib.
Bəqayi mətbuat konfransında deyib ki, İran ərazisinə hücum etmək, raket və dronlar buraxmaq, yanacaq doldurmaq və hər hansı lojistik dəstək göstərmək üçün ərəb ölkələrinin bazalarından və ya hava məkanından istifadə olunması “ABŞ və sionist rejimin hərbi təcavüzünün tərkib hissəsidir”.
XİN sözçüsü vurğulayıb ki, “təcavüzkar ölkələrə” edilən istənilən yardım sözügedən dəstəyi göstərən dövlətlərin beynəlxalq məsuliyyətinə gətirib çıxaracaq və bunun beynəlxalq hüquqda qəbul edilmiş prinsip olduğunu ifadə edib.
Zərintac Mayisqızı
