Çin şirkətləri İslam Respublikası ilə silah satışı üzrə danışıqlar aparır və hərbi yardımın mənşəyini gizlətmək məqsədilə silahları üçüncü ölkələr vasitəsilə göndərməyi planlaşdırır.
Zefer.media xəbər verir ki, bu barədə “The New York Times” qəzeti yazıb.
Amerika rəsmilərinin sözlərinə görə, həmin marşrutda iştirak edə biləcək ölkələrdən ən azı biri Afrikada yerləşir, ancaq hər hansı yükün həmin ölkəyə çatıb-çatmadığı hələlik məlum deyil.
Hesabatda qeyd olunur ki, məsələ ilə bağlı məlumatlandırılan ABŞ rəsmiləri Çin silahlarının daha öncə üçüncü ölkələr vasitəsilə göndərilib-göndərilmədiyi barədə fərqli dəyərləndirmələrə malikdirlər.
Bununla belə, mövcud müharibənin başlanmasından bəri ABŞ və ya İsrail qüvvələrinə qarşı döyüş meydanında Çin silahlarının istifadə edildiyinə dair sübut olmadığı vurğulanır.
Zərintac Mayisqızı
