Bu gün İran Xarici İşlər Nazirliyinin sözçüsü İsmayıl Bəqayi mətbuat konfransında ABŞ-nin İsrailin hücumlarında iştirak etmədiyi barədə açıqlamaları təkzib edib.
Zefer.media xəbər verir ki, o bildirib:
“Regionda İsrailin istənilən hərəkətinin ABŞ ilə əvvəlcədən koordinasiya və əməkdaşlıq olmadan həyata keçirildiyinə heç kim inanmır”.
Bəqayi qeyd edib ki, İsrailin ABŞ-ni nəzərə almadan və ya onun mövqeyinə qarşı çıxaraq əməliyyatlar həyata keçirməsi ilə bağlı iddialar müzakirə oluna bilər, lakin ümumi vəziyyət fərqli göstərir.
Sözçünün ifadə etdiyinə görə, ABŞ-nin Mərkəzi Komandanlığı İsraillə müdafiə və hücum sahələrində koordinasiyalı fəaliyyət aparır.
Bəqayi ABŞ-ni 8 aprel atəşkəsinin tərəfi kimi məsuliyyət daşımaqda ittiham edib və bölgədə baş verən gərginliyin artmasına görə Vaşinqtonun cavabdeh olduğunu diqqətə çatdırıb.
Zərintac Mayisqızı
