BƏƏ hücumlara cavab olaraq qonşu Körfəz ölkələrini İrana qarşı kollektiv hərbi əməliyyata cəlb etməyə çalışsa da, bu təşəbbüs nəticəsiz qalıb.
Zefer.media xəbər verir ki, bu barədə “Bloomberg” agentliyi bildirib.
BƏƏ prezidenti Məhəmməd bin Zayed Əl-Nəhyan, ABŞ və İsrailin İrana hücumlara başlamasından qısa müddət sonra Səudiyyə Ərəbistanının vəliəhdi Məhəmməd bin Salman da daxil olmaqla Körfəz liderləri ilə bir sıra telefon danışıqları aparıb.
İranın ərəb ölkələrinə hücumlara başlaması və Hörmüz boğazını bağlamasından sonra Əl-Nəhyan kollektiv qisas zərbəsinin vacibliyini vurğulayıb. Ancaq digər Körfəz liderləri ona bunun “onların müharibəsi olmadığını” bildiriblər. Daha sonra BƏƏ İrana müstəqil hücum həyata keçirib və ardınca OPEC-dən çıxıb.
Səudiyyə Ərəbistanı diqqətini sülh danışıqlarına yönəldib. Adətən Səudiyyə ilə eyni mövqedə olan Bəhreyn və Küveyt də münaqişədən kənarda qalmağı seçib.
Zərintac Mayisqızı
