Bakıda “Belçika müstəmləkəçiliyinin ədalətsizliyi və kompensasiya uğrunda 101 illik mübarizə” mövzusunda beynəlxalq konfrans keçirilir.
Zefer.media xəbər verir ki, Bakı Təşəbbüs Qrupu (BİQ) tərəfindən təşkil olunan tədbirdə Konqo Demokratik Respublikası, Ruanda, Burundi, Mərakeş və Cənubi Afrikadan nümayəndələr, həmçinin BMT ekspertləri iştirak edir. Konqo Demokratik Respublikasının ombudsmanı və parlament üzvləri, eləcə də Ruandanın diplomatları tədbirə qatılanlar arasındadır.
Konfransda Belçikanın müstəmləkəçilik dövründə törətdiyi cinayətlərə görə rəsmi üzr istəməsi və kompensasiya ödəməsi məsələləri müzakirə olunur.
İştirakçılar həmçinin reparasiya və restitusiya ödənişlərinə nəzarət edəcək beynəlxalq mexanizmin yaradılması ilə bağlı fikir mübadiləsi aparırlar.
Tədbirdə Belçikanın müstəmləkəçilik dövrünə aid arxivlərinin açılması, keçmiş koloniyalardan olan mütəxəssislərin müvafiq proseslərə cəlb edilməsi, habelə insan qalıqları və tarixi əşyaların mənşə ölkələrinə qaytarılması məsələlərinə də xüsusi diqqət yetirilir.
Aytən Yalçınqızı
