Azərbaycanda bir müştərinin banklarda əldə edə biləcəyi ödəniş kartlarının sayına yeni yanaşma tətbiq olunacaq.
Zefer.media xəbər verir ki, Azərbaycan Banklar Assosiasiyası ödəniş kartlarının və elektron pula bağlı hesabların sayına risk əsaslı yanaşmanın tətbiq ediləcəyini açıqlayıb.
Yeni qaydalara əsasən, hər bankda bir müştəriyə eyni məhsul üzrə bir ödəniş kartı veriləcək. Maaş, pensiya və sosial kartlar, həmçinin sahibkarlıq və ya depozit hesablarına bağlı kartlar bu məhdudiyyətə daxil edilməyəcək.
Əsaslandırılmış zərurət olduğu halda müştərinin əlavə kart əldə etməsi mümkün olacaq.
Assosiasiya bildirir ki, tədbir müştərilərin imkanlarını məhdudlaşdırmağa deyil, ödəniş sisteminin təhlükəsizliyini artırmağa və riskləri azaltmağa yönəlib.
