“Air Canada Express” şirkətinə məxsus və Montrealdan (Kanada) Nyu-Yorkdakı (ABŞ) “La-Guardia” aeroportuna uçan təyyarə eniş zamanı yerüstü nəqliyyat vasitəsi ilə toqquşub.
Zefer.media Reuters – ə istinadən xəbər verir ki, ABŞ Federal Aviasiya İdarəsi (FAA) aeroportda bütün reyslərin müvəqqəti dayandırılması – “ground stop” rejimini tətbiq edib. Bu rejim 05:30 GMT (09:30 Bakı vaxtı) qədər nəzərdə tutulub.
FAA-nın açıqlamasında bildirilir ki, dayandırmanın səbəbi fövqəladə haldır və məhdudiyyətlərin uzanması ehtimalı yüksəkdir, lakin detallara yer verilməyib.
Pilotlara yönəlmiş ayrıca bildirişdə FAA qeyd edib ki, aeroport 18:00 GMT (22:00 Bakı vaxtı) qədər bağlı qala bilər.
Sosial şəbəkələrdə yayılan təsdiqlənməmiş videolarda təyyarənin burnunda zədələnmələr görünür. Air Canada, FAA və Nyu-York Yanğın Xidməti hələ məsələ ilə bağlı şərh verməyib.
