ABŞ və İsrailin İranın nüvə obyektlərinə qarşı həyata keçirdiyi hərbi əməliyyatlara baxmayaraq, ölkənin nüvə proqramı ilə bağlı ümumi qiymətləndirmədə əsaslı dəyişiklik baş verməyib.
Zefer.media xəbər verir ki, bu barədə Atom Enerjisi üzrə Beynəlxalq Agentliyi (AEBA) üzv dövlətlərə təqdim etdiyi yeni hesabatda bildirib.
AEBA yenidən Tehrandan zənginləşdirilmiş uran ehtiyatlarının taleyi ilə bağlı izahat tələb edib. Agentlik xüsusilə aşağı və yüksək zənginləşdirilmiş uran ehtiyatlarının harada saxlanıldığı barədə məlumatın təqdim olunmadığını vurğulayıb.
Hesabatda qeyd olunur ki, İran hələ də nüvə silahı istehsalı üçün tələb olunan səviyyədən cəmi bir addım aşağı olan 60 faiz zənginləşdirilmiş uran ehtiyatlarının vəziyyəti barədə Agentliyə məlumat verməyib.
Zərintac Mayisqızı
