ABŞ ordusuna məxsus “Apache” hücum helikopteri Hörmüz boğazı yaxınlığında qəzaya uğrayıb.
Zefer.media xəbər verir ki, bununla bağlı “The New York Times” qəzeti bildirib.
Nəşrin məlumatına görə, hadisədən sonra helikopterin iki ekipaj üzvü xilas edilib.
ABŞ prezidenti Donald Tramp da Hörmüz boğazı yaxınlığında ABŞ hərbi helikopterinin qəzaya uğraması xəbərini təsdiq edib.
Tramp bildirib ki, helikopterin ekipaj üzvlərinin vəziyyəti yaxşıdır və hadisə ilə bağlı rəsmi hesabat sabah açıqlanacaq.
Nyu-Yorkdan ayrılarkən jurnalistlərin suallarını cavablandıran Tramp yaxın bir neçə gün ərzində İranla mümkün razılaşma barədə daha aydın təsəvvür formalaşacağını deyib.
ABŞ prezidenti vurğulayıb ki, İranla danışıqlar davam edir və onun sözlərinə görə, proses müsbət istiqamətdə gedir.
Tramp əlavə edib ki, dəniz blokadası qüvvədə qalır və bu siyasətdə hər hansı dəyişiklik nəzərdə tutulmur.
Zərintac Mayisqızı
