Bu gün ABŞ Dövlət Departamentinin sözçüsü Tommi Biqot “Əl-Ərəbiyyə” telekanalına müsahibəsində Vaşinqtonun İran siyasəti ilə bağlı açıqlamalar verib.
Zefer.media xəbər verir ki, o, Obama administrasiyası dövründə imzalanmış nüvə sazişini tənqid edərək ABŞ-nin həmin razılaşmanı İranın nüvə silahı əldə etməsinə aparan yol kimi qiymətləndirdiyini bildirib.
Biqotun sözlərinə görə, prezident Donald Trampın məqsədi isə İranın nüvə silahı əldə etməsinin tamamilə qarşısını almaqdır.
Dövlət Departamentinin sözçüsü vurğulayıb ki, ABŞ hər hansı mümkün razılaşma çərçivəsində əvvəlcədən və ya dərhal güzəştlər etməyəcək.
O əlavə edib ki, sanksiyaların ləğvi və ya dondurulmuş İran aktivlərinə çıxış yalnız Tehranın üzərinə götürdüyü öhdəlikləri tam yerinə yetirməsi və bunu praktik addımlarla sübut etməsindən sonra mümkün ola bilər.
Zərintac Mayisqızı
