Çinin peyk görüntüləri üzrə fəaliyyət göstərən “MizarVision” şirkəti ABŞ-nin Maliyyə Nazirliyi tərəfindən sanksiya siyahısına salınıb.
Zefer.media xəbər verir ki, sanksiyanın səbəbi şirkətin ABŞ–İsrailin İrana qarşı hücumları zamanı Amerika hərbi qüvvələrinin yerləşdirilməsini açıq mənbələrdən (OSINT) izləyib təhlil etməsi və bu görüntüləri yayması olub.
“South China Morning Post” yazır ki, ABŞ-İsrail müharibəsi dövründə ABŞ hərbi qüvvələrinin yerləşdirilməsini izləməklə tanınan “MizarVision” bu sanksiyanı öz işə qəbul kampaniyasında “şərəf nişanı” kimi təqdim edir.
Şirkət rəsmi olaraq “Meentropy Technology Hangzhou Co Ltd” adı ilə fəaliyyət göstərir və kommersiya peyklərindən əldə olunan məlumatların təhlili üzrə ixtisaslaşıb.
Zərintac Mayisqızı
