Bu gün SEPAH mediası ABŞ ilə razılaşmanın əldə edilməsi və bunun bazar günü Cenevrədə imzalanacağı barədə yayılan xəbərləri təkzib edib.
Zefer.media xəbər verir ki, bir sıra xarici media orqanlarında yer alan məlumatlar və ABŞ prezidenti Donald Trampın bu istiqamətdəki açıqlamaları həqiqətə uyğun deyil.
Mənbə qeyd edib ki, İran daxilində mövcud proseslər hələ yekunlaşmayıb və qərar qəbuletmə mərhələsi davam edir. Buna görə də nə razılaşmanın imzalanacağı tarix, nə də Cenevrənin mümkün yer kimi təsdiqlənməsi doğru deyil.
İran tərəfi vurğulayıb ki, hazırkı mərhələdə müzakirələr davam edir və hər hansı yekun sənəd və ya imza mərasimi barədə yayılan məlumatlar “əsassız iddia” kimi dəyərləndirilir.
Xatırladaq ki, daha öncə Reuters ABŞ və İran arasında gərginliyin azaldılmasını hədəfləyən mümkün memorandumun Cenevrədə bazar günü imzalana biləcəyini bildirmişdi.
Zərintac Mayisqızı
