Bu gün İran Xarici İşlər Nazirliyi ABŞ-nin son hücumlarını pisləyərək onları BMT Nizamnaməsinin və beynəlxalq hüququn pozulması adlandırıb.
Zefer.media xəbər verir ki, nazirliyin yaydığı bəyanatda bildirilir:
“ABŞ-nin İrana endirdiyi zərbələr iki ölkə arasında əldə olunmuş atəşkəs razılaşmasını “faktiki olaraq mənasız” edib”.
Tehran region ölkələrini öz ərazilərinin və infrastrukturunun İrana qarşı hərbi əməliyyatlar üçün istifadəsinə icazə verməməyə çağırıb.
Bəyanatda BMT Təhlükəsizlik Şurası və təşkilatın Baş katibi də tənqid olunaraq, beynəlxalq sülh və təhlükəsizliyin qorunması ilə bağlı öhdəliklərini yerinə yetirilməsi istənilib. İran tərəfi ABŞ və İsrailin hərəkətlərini “təcavüz” kimi dəyərləndirib.
Zərintac Mayisqızı
