Bu gün İranın xarici işlər naziri Abbas Əraqçı Türkiyənin xarici işlər naziri Hakan Fidan və Səudiyyə Ərəbistanının xarici işlər naziri Feysəl bin Fərhanla ayrı-ayrılıqda telefon danışıqları aparıb.
Zefer.media xəbər verir ki, tərəflər ABŞ-nin İranın cənub bölgələrinə hücumları ilə bağlı xəbərlərdən sonra regionda yaranmış vəziyyəti və son hadisələri müzakirə ediblər.
Əraqçı söhbətlər zamanı ABŞ-nin addımlarını pisləyərək onları ölkənin suverenliyinin pozulması kimi dəyərləndirib. O, İranın özünümüdafiə hüququna malik olduğunu vurğulayıb.
Telefon danışıqlarında bölgədə gərginliyin daha da artmasının qarşısının alınması, sabitliyin qorunması və diplomatik səylərin davam etdirilməsi məsələləri də müzakirə olunub.
Zərintac Mayisqızı
