Bu gün 1978-ci il təvəllüdlü, II qrup əlil, ehtiyatda olan XTQ mənsubu, “Xüsusi Təyinatlıların Qaziləri, Şəhid Ailələri və Veteranları” İctimai Birliyinin fəal üzvlərindən biri olan Yaqub Hacıyev qəfil vəfat edib.
Zefer.media xəbər verir ki, bu barədə Mətbuat Şurası İdarə Heyətinin üzvü, XTQ mənsubu, Xüsusi Təyinatlıların Qaziləri, Şəhid Ailələri və Veteranları İctimai Birliyinin sədri Bəhruz Məmmədzadə paylaşım edib.
“Mərhum ailəli idi, bir oğul və bir qız övladı yadigar qalıb. Allah rəhmət eləsin, məkanı cənnət olsun. Yaxınlarına, doğmalarına və onu tanıyan hər kəsə dərin hüznlə başsağlığı verirəm. Allah səbir versin”, – o əlavə edib.
Zərintac Mayisqızı
