Bu gün İranın İtaliyadakı səfiri Məhəmmədrza Səburi Hörmüz boğazına hər hansı xarici müdaxilənin və ya kənar qüvvələrin yerləşdirilməsinin qəbuledilməz olduğunu bildirib.
Zefer.media xəbər verir ki, Diplomat bu barədə TASS agentliyinə müsahibəsində qeyd edib.
Onun sözlərinə görə Fransa və Britaniyanın, eləcə də Avropa Birliyinin irəli sürdüyü son təşəbbüslər Tehran tərəfindən qəbul olunmur və qətiyyətlə rədd edilir.
Səburi vurğulayıb ki, İran bu cür addımları suverenliyə müdaxilə kimi dəyərləndirir və onları kəskin şəkildə pisləyir.
O, eyni zamanda Avropa ölkələrinə müraciət edərək, bölgədə yaranmış gərginliyin əsas səbəblərinə diqqət yetirməyə çağırıb. Səfirin sözlərinə görə, bu səbəblər ABŞ və İsrailin Fars körfəzi və Hörmüz boğazı bölgəsində İranın maraqlarına yönəlmiş fəaliyyətləri ilə bağlıdır.
Zərintac Mayisqızı
