Rusiya Dövlət Dumasının deputatı Yuri Şvıtkin bildirib ki, NATO-nun baş katibi Mark Ruttenin münaqişə bitdikdən sonra blokun qoşunlarının Ukrayna ərazisinə gəlməsi ilə bağlı dediklərini müdaxiləyə hazırlıq kimi şərh etmək lazımdır.
Zefer.media xəbər verir ki, o, alyansın tələsik addımlar atmayacağına ümid etdiyini bildirib.
“Fərz edək ki, Ruttenin NATO qoşunlarının Ukraynaya göndərilməsi ilə bağlı dediyi sözlər ciddi qəbul edilməlidir. Rusiya isə bunu blokun müdaxiləsi hesab edəcək”, – siyasətçi xəbərdarlıq edib.
O, vurğulayıb ki, Rusiya alyansın hərbi personalının qonşu dövlətin ərazisində yerləşdirilməsinə icazə verməyəcək.
“Biz istənilən ssenariyə hazırıq. Lakin ümid edirik ki, NATO Rusiya ilə hərbi toqquşmaya səbəb ola biləcək tələsik addımlardan qaçmaq üçün uzaqgörənliyə malik olacaq”, – Şvıtkin fikirlərini yekunlaşdırıb.
Yeganə
