Ukrayna Prezidenti Volodimir Zelenski Avropa Şurasının prezidenti Antonio Kosta ilə Ukraynanın Avropaya inteqrasiyasını müzakirə edib.
Zefer.media xəbər verir ki, bu barədə “RBC-Ukrayna” Zelenskinin teleqramdakı açıqlamasına istinadən məlumat yayıb.
“Ukraynanın Avropa İttifaqına daxil olması ilə bağlı danışıqlar klasterlərinin açılması işinə xüsusi diqqət yetirilir. Ölkəmiz texniki cəhətdən tam hazırdır və bu və növbəti aylar ərzində bütün altı klasterin açılmasını gözləyir”, – deyə Ukrayna dövlət başçısı vurğulayıb.
Zelenski həmçinin Kostyaya 90 milyard avroluq kreditin açılmasındakı dəstəyinə və şəxsi səylərinə görə təşəkkür edib.
“Vəsaitlərin mümkün qədər tez daxil olması və Ukraynanın qışa hazırlaşmasına kömək etməsi vacibdir”, – deyə o qeyd edib.
Bundan əlavə, Ukrayna lideri və Kosta Rusiya əleyhinə sanksiyaların gücləndirilməsini müzakirə ediblər.
Zelenski 20-ci sanksiya paketinə görə Aİ-yə təşəkkür edib və Ukraynanın növbəti paketdə Rusiyanın “kölgə donanması”na qarşı sanksiya təzyiqinin artacağını gözlədiyini söyləyib.
Zərintac Mayisqızı
