Ermənistandakı yeni Avropa İttifaqının(Aİ) mülki missiyası real yardım deyil, siyasi müdaxilə vasitəsidir.
Zefer.media xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.
Onun sözlərinə görə, qanunsuz maliyyə axınları, kiberhücumlar və informasiya manipulyasiyası ilə mübarizə bəhanəsi ilə Aİ 7 iyun parlament seçkilərinin nəticələri də daxil olmaqla, Ermənistanın nazirliklərinə və dövlət qurumlarına təsir göstərmək üçün güc əldə etməyə çalışır.
Diplomatın sözlərinə görə, Aİ-nin Cənubi Qafqazda iştirakının genişlənməsi regional məsuliyyət prinsipinə ziddir və sabitliyə təhdid yaradır. O, Ermənistan tərəfinin missiyanın ölkənin daxili işlərinə müdaxilə etmək üçün istifadəsinə imkan verməyəcəyinə ümid etdiyini bildirib.
Zərintac Mayisqızı
