İsrailin Ynet nəşri analitik hesabatında İranın ABŞ prezidenti Donald Trampla danışıqlarda vaxt qazanmağa can atdığını və əldə olunan razılaşmaları sonradan pozaraq vəziyyəti öz xeyrinə dəyişdirməyə çalışdığını yazıb.
Zefer.media nəşrin məlumatına istinadən xəbər verir ki, Fars körfəzindən təxminən 80 milyon barel İran nefti çıxarılıb və dondurulmuş İran aktivlərinin azad edilməsi imkanları araşdırılıb.
Ynet hesab edir ki, İranın razılaşmaları dəfələrlə pozması Trampı diplomatik imkanların tükəndiyi qənaətinə gətirə bilər. Belə olan halda Vaşinqtonda İrana qarşı hərbi əməliyyatların keçirilməsi ilə bağlı siyasi və strateji təzyiqin artacağı, Trampın isə daha geniş kampaniya üçün İsrailə müraciət edə biləcəyi iddia olunur.
Nəşr yazır ki, İran hakimiyyəti hər zaman yeni “mərc” üçün vaxtının olduğunu düşünür, ancaq bu strategiya nəticədə Tehranın geri qaytarılması mümkün olmayan vaxtı itirməsinə səbəb ola bilər.
Zərintac Mayisqızı
