Dünən Bab əl-Məndəb boğazında yük gəmisinə hücum edilib.
Zefer.media Britaniyanın Dəniz Ticarət Əməliyyatları İdarəsinin (UKMTO) məlumatına əsasən xəbər verir ki, hadisə Yəmənin Moxa limanından təxminən 40 dəniz mili cənub-şərqdə baş verib.
Yerli hakimiyyət orqanlarının bildirdiyinə görə, yük gəmisi bir neçə naməlum mərmi ilə vurulub. Hücum zamanı gəmidə heyət üzvlərinin olmadığı açıqlanıb.
Hücum nəticəsində gəmiyə ciddi ziyan dəyib və gəmi tamamilə sıradan çıxıb. Hadisə ilə bağlı araşdırma başladılıb. Səlahiyyətli qurumlar bölgədə hərəkət edən gəmilərə ehtiyatlı olmağı tövsiyə edib.
Zərintac Mayisqızı
