ABŞ-nin paytaxtı Vaşinqtonda ölkənin yaradılmasının 250 illiyi ilə bağlı tədbirlər çərçivəsində “IndyCar” yarışı keçirilib.
Zefer.media xarici KİV-lərə istinadən xəbər verir ki, yarış yüksək təhlükəsizlik tədbirləri fonunda təşkil olunub və sürücülər 147 dövrə vurublar.
ABŞ Prezidenti Donald Tramp yarış başlamazdan əvvəl prezident limuzinində trasda təntənəli dövrə vurub. Tədbir zamanı ABŞ bayraqları ilə yanaşı, Tramp tərəfdarlarının istifadə etdiyi bayraqlar da diqqət çəkib.
Yarışdan əvvəl Vaşinqtonun mərkəzi üzərində ABŞ Hərbi Hava Qüvvələrinin aviaşousu keçirilib. B-2 “Spirit” strateji bombardmançı təyyarəsi də daxil olmaqla bir neçə hərbi təyyarə şəhər üzərində uçuş həyata keçirib.
Bundan əlavə, ABŞ prezidentinin istifadə etdiyi “Air Force One” təyyarəsi dörd qırıcı təyyarənin müşayiəti ilə uçuş-enmə zolağı üzərində aşağı hündürlükdə uçuş həyata keçirib.
Aytən Yalçınqızı
