Sankt-Peterburq yaxınlığında yerləşən şirkətlərdən birinin anbarında Ukraynanın pilotsuz uçuş aparatı ilə həyata keçirilən hücumdan sonra yanğın baş verib.
Zefer.media xəbər verir ki, hadisə nəticəsində üç nəfər xəsarət alıb, şirkət isə regiondakı iki logistika mərkəzinin fəaliyyətini müvəqqəti dayandırıb və Krımdakı anbarını təxliyə edib.
Məlumata əsasən, iyulun 18-dən bəri şirkətin beş anbarı hücuma məruz qalıb ki, bu da həmin müəssisənin logistika gücünün təxminən 10 faizini təşkil edir. Ukrayna tərəfi həmin şirkəti Rusiya Ordusunu dəstəkləyən infrastrukturun bir hissəsi hesab etdiyini bildirir. Moskva isə qeyd olunan şirkətin hərbi təchizatla məşğul olmasına dair iddiaları rədd edir.
Zərintac Mayisqızı
