2026-cı ilin payızında Ukraynanın təhlükəsizlik zəmanətlərini təmin etmək üçün Polşada “İstəklilər Koalisiyası”nın ilk hərbi təlimləri keçiriləcək.
Zefer.media xəbər verir ki, bu barədə Polşanın Baş naziri Donald Tusk bildirib.
Tuskun sözlərinə görə, Polşa payızda Fransa və Britaniya qoşunları ilə hərbi təlimlər keçirəcək.
Bildirilib ki, məqsəd artıq məlumdur:
Rusiya ilə sülh razılaşması və ya atəşkəs əldə edildikdən sonra Ukrayna və region üçün təhlükəsizlik zəmanətlərinin təmin edilməsinə hazırlıq.
O, həmçinin Ukraynada hazırda tez bir zamanda sülhün əldə edilməsinin mümkün olmadığını da irəli sürüb. Polşa Baş naziri müharibənin ən azı qışa qədər davam edəcəyinə inanır.
Tuskun sözlərinə görə, o, vəziyyəti NATO-nun baş katibi Mark Rutte və Ukrayna prezidenti Volodimir Zelenski ilə müzakirə edib.
Polşa Baş naziri əlavə edib: “Hazırda Rusiya və Putinin sərt mövqeyi nəzərə alınmaqla, yaxın gələcəkdə atəşkəs və ya sülh razılaşmasının əldə edilməsi ehtimalı azdır”.
Zərintac Mayisqızı
