Donald Trampın qatıldığı tədbirdə baş verən atışmada şübhəli bilinən şəxs həbsindən sonra ABŞ prezident administrasiyasının rəsmilərini hədəf aldığını etiraf edib.
Zefer.media xəbər verir ki, bu barədə “CBS News” məlumat yayıb.
Atıcının adı Kaliforniyadan olan 31 yaşlı Koul Tomas Allandır. O, tədbirin keçirildiyi oteldə qonaq olub.
Kişinin sosial media profilində onun C2 Education-da müəllim işlədiyi və 2024-cü ilin dekabr ayında “Ayın müəllimi” mükafatını aldığı göstərilir.
Nəşr bildirir ki, hücum edən şəxs otel restoranının yaxınlığındakı yoxlama məntəqəsini sındırmağa cəhd edərkən ov tüfəngi, tapança və bir neçə bıçaqla silahlanıb.
O, bir neçə atəş açaraq güllə keçirməyən jilet geyinmiş Məxfi Xidmət agentini yüngül yaralayıb. Hücumçu da həmçinin yaralanıb .
Xatırladaq ki, hadisə aprelin 25-i axşamı Trampın Ağ Ev müxbirləri ilə qala şam yeməyi keçirdiyi Vaşinqton Hilton Otelinin zalında baş verib.
Zərintac Mayisqızı
