ABŞ prezidenti Donald Tramp İranın razılaşma əldə etmək istədiyini, lakin bunu ictimaiyyətə açıqlamaqdan çəkindiyini iddia edib.
Zefer.media Türkiyə KİV-ə istinadən xəbər verir ki, Tramp bu barədə Milli Respublikaçılar Partiyasının Konqres Komitəsinin illik ianə toplama tədbirində çıxışı zamanı deyib.
O “müharibə” əvəzinə “hərbi əməliyyat” sözünü işlədəcəyini bildirib: “Onlar “müharibə” sözünü sevmirlər. Çünki onu istifadə etmək üçün icazə lazımdır. Ona görə də mən “hərbi əməliyyat” deyəcəyəm. Əslində bu belədir. Buna hərbi məhv deyilir.”
Artan enerji və neft qiymətlərinə toxunan Ağ ev rəhbəri əməliyyatın “qısamüddətli” təsirləri olduğu üçün bütün bunların onun üçün vacib olmadığını vurğulayıb.
“Bizim etməli olduğumuz şey “xərçəng”dən qurtulmaq idi. “Xərçəng” nüvə silahına malik İran idi və biz onu kəsdik. İndi isə işini bitirəcəyik.”
ABŞ-nin dünyanın ən böyük ordusuna sahib olduğunu və ən yaxşı hərbi texnika istehsal etdiyini bildirən Tramp, ABŞ qüvvələrinin İranın genişmiqyaslı raket hücumunun qarşısını aldığını iddia edib.
