“ABŞ prezidenti Donald Tramp özünü yersiz aparır və Üçüncü Dünya Müharibəsinə səbəb ola bilər”.
Zefer.media xəbər verir ki, bunu Vaşinqtondakı Amerika Universitetinin politoloqu və tarix professoru Peter Kuznik “İzvestiya”ya müsahibəsində bildirib.
Onun sözlərinə görə, Amerika lideri ABŞ Dövlət katibinin müavini Stiven Miller, Pentaqon rəhbəri Pit Heqset, İsrailin Baş naziri Benyamin Netanyahu və “Wall Street Journal” (WSJ) qəzetinin sahibi Rupert Merdok da daxil olmaqla, son dərəcə aqressiv siyasi və media xadimlərinin təsiri altındadır.
Kuznik bildirib ki, Tramp və onun ətrafındakıların qəribə məntiqi beynəlxalq səhnədə son dərəcə təhlükəli vəziyyət yaradır. Professor söyləyib ki, Rusiya və Çin həmin risklərin fərqindədirlər və buna görə də ehtiyatlı davranırlar, Vaşinqtonun ekstremal tədbirlər görmək qabiliyyətini başa düşürlər.
Ekspert onu da əlavə edib ki, ABŞ-ın hazırkı hərbi siyasəti ölkə daxilində o qədər də populyar deyil: “amerikalıların yalnız üçdə biri iqtisadiyyata mənfi təsir göstərən və ərzaq və enerji qiymətlərinin artmasına səbəb olan sözügedən münaqişələri dəstəkləyir”.
Zərintac Mayisqızı
