ABŞ Prezidenti Donald Tramp fransalı həmkarı Emmanuel Makronla həyat yoldaşı Bricit arasındakı gərgin münasibətləri hədəf alan zarafatı ilə gündəmə gəlib.
Zefer.media xarici mətbuata istinadən xəbər verir ki, Ağ Evdəki çıxışı zamanı Makronla telefon danışığına toxunan Tramp, “Həyat yoldaşı tərəfindən çox pis rəftar edilən Makrona zəng etdim; o, hələ də çənəsinə aldığı zərbədən sonra özünə gəlməyə çalışır” deyərək kinayə edib. Bu kəskin sözlərin arxasında 2025-ci ilin may ayında Makronun Vyetnam səfəri zamanı lentə alınan səs-küylü kadrlar dayanır. Həmin görüntülərdə təyyarənin içində Bricit Makronun əlini sürətlə ərinin üzünə qaldıraraq ona şillə vurduğu aydın sezilir. Hadisənin dərhal ardından təyyarədən enən Emmanuel Makron təəccüblü görünsə də, dərhal özünü toplayaraq qarşılayanları salamlamağa davam edib. Lakin pilləkənlərdə prezidentin uzatdığı əli həyat yoldaşı cavabsız qoyaraq nümayişkaranə şəkildə tutacaqdan yapışıb.
Hazırda dünya mediası həm bu müəmmalı insidenti, həm də Trampın buna verdiyi reaksiyanı geniş müzakirə edir.
Aytən Yalçınqızı
