Bu gün Tehran Şəhər Şurası paytaxtdakı Mehrabad hava limanının adının İranın mərhum ali lideri Əli Xameneyinin adı ilə dəyişdirilməsini təklif edib.
Zefer.media xəbər verir ki, Şəhər Şurasının sədri Mehdi Çəmran bildirib:
“Son müharibədə həlak olan yüksək rütbəli rəsmilərin xatirəsinin əbədiləşdirilməsi məqsədilə Tehranın küçə və digər mühüm məkanlarının adlarının dəyişdirilməsi məsələsinə baxılır”.
Çəmranın sözlərinə görə, bu çərçivədə Tehrandakı küçələrdən birinə Əli Şəmxaninin adının verilməsi ilə bağlı qərarın da bu gün qəbul edilməsi planlaşdırılır.
Həmçinin, Mehrabad hava limanının adının dəyişdirilməsi ilə bağlı hələ yekun qərar qəbul edilməyib. Əli Xameneyinin adının hava limanına verilməsi hazırda yalnız təklif mərhələsindədir.
Zərintac Mayisqızı
