Rusiya Təhlükəsizlik Şurasının katibi Sergey Şoyqu İran ətrafındakı münaqişə zamanı suyun duzsuzlaşdırılması infrastrukturunun sıradan çıxması halında fəlakətli nəticələrlə bağlı xəbərdarlıq edib.
Zefer.media xəbər verir ki, o “İzvestiya”ya bu haqda deyib.
Şoyqu qeyd edib ki, “Suyun duzsuzlaşdırılması infrastrukturunun pozulması böyük şəhərlərin sürətlə susuzlaşmasına, səhiyyə sistemlərinin çökməsinə və nəticədə milyonlarla qaçqın axınına səbəb olacaq. Nəticələr Yaxın Şərqdən daha da genişlənəcək”.
Rusiya Təhlükəsizlik Şurasının katibi əlavə edib ki, hazırda Körfəz ölkələri və İran dünyanın duzsuzlaşdırılmış suyunun 40%-ə qədərini istehsal edir. Münaqişə zonasında 155 milyondan çox insan yaşayır. Onların çoxu demək olar, tamamilə duzsuzlaşdırılmış sudan asılıdır, çünki içməli su təchizatında onun payı 90%-dən çoxdur:
“Hazırda dünyada ümumi sahəsi 2,7 milyon kvadrat kilometrdən çox olan Fars körfəzi dövlətlərinə bu qədər su çatdıra biləcək nəqliyyat sistemi yoxdur və strateji su ehtiyatlarının təxminləri yeddi gündən 14 günə qədərdir”.
Şoyqu sonda bildirib ki, həyati əhəmiyyətli infrastrukturdan hərbi təzyiq vasitəsi kimi istifadənin tamamilə qəbuledilməz olduğuna əminik: “Yeganə məsuliyyətli həll yolu gərginliyin azaldılması və danışıqlar masasında uzunmüddətli dinc həll yolu axtarmaqdır. Tərəfləri dərhal diplomatik razılaşmaya qayıtmağa çağırırıq”.
