SEPAH-ın “Qüds” qanadının komandanı İsmayıl Qaani İraqdakı İrana bağlı silahlı qruplaşmaların tərksilah edilməsinə qarşı çıxıb.
Zefer.media xəbər verir ki, General Qaani bildirib:
“İraqdakı şiə qruplaşmalarının silahlarını hökumətə təhvil verməsi və silahlara dövlət nəzarətinin tətbiqi İranın mövqeyinə ciddi zərbə vuracaq”.
Onun sözlərinə görə, belə bir addım “İrana arxadan vurulan zərbə” olacaq.
Qaani Bağdada səfəri və son görüşləri zamanı İraq rəsmilərini hökumətin ölkədə silaha nəzarəti gücləndirmək planını hazırkı şəraitdə həyata keçirməməyə çağırıb. SEPAH generalı xəbərdarlıq edib ki, İraqdakı qruplaşmaların tərksilah edilməsi İranla əlaqəli digər silahlı qrupların da başqa ölkələrdə məhdudlaşdırılması üçün presedent yarada bilər. O, prosesin dayandırılmasını və ya təxirə salınmasını istəyib.
Zərintac Mayisqızı
