Rusiya ordusu 24 saat ərzində Ukrayna Silahlı Qüvvələrinin enerji, yanacaq və nəqliyyat infrastrukturu obyektlərinə zərbələr endirib.
Zefer.media xəbər verir ki, bu barədə Rusiya Müdafiə Nazirliyi məlumat yayıb.
“Ukrayna Silahlı Qüvvələrinin maraqları naminə istifadə edilən enerji, yanacaq və nəqliyyat infrastrukturu obyektlərinə ziyan dəyib”, – deyə nazirlik bildirib.
Bundan əlavə, 158 rayonda uzun mənzilli pilotsuz uçuş aparatları üçün buraxılış və saxlama yerləri, eləcə də Ukrayna silahlı qüvvələri və xarici muzdlular üçün müvəqqəti yerləşdirmə məntəqələri vurulub.
Həmçinin, hava hücumundan müdafiə qüvvələri altı idarə olunan hava bombası və 255 təyyarə tipli pilotsuz uçuş aparatını vurub.
Zərintac Mayisqızı
