Son 24 saat ərzində Rusiya Silahlı Qüvvələri Ukraynadakı hərbi-sənaye kompleksi (HSK) obyektinə, eləcə də enerji, nəqliyyat və liman infrastrukturu obyektlərinə zərbələr endirib.
Zefer.media xəbər verir ki, bu barədə Rusiya Müdafiə Nazirliyi aprelin 2-də məlumat yayıb.
Zərbələrə Rusiya Silahlı Qüvvələrinin əməliyyat-taktiki aviasiyası, hücum pilotsuz uçuş aparatları (PUA), raket qüvvələri və artilleriyası cəlb edilib.
“Ukrayna hərbi-sənaye kompleksi, Ukrayna Silahlı Qüvvələri (USQ – red.) tərəfindən istifadə edilən enerji, nəqliyyat və liman infrastrukturu obyektləri, istehsal müəssisələri, uzun mənzilli pilotsuz uçuş aparatları üçün saxlama və buraxılış məntəqələri zədələnib”, – deyə nazirlik qeyd edib.
Ukrayna Silahlı Qüvvələrinin və xarici muzdluların 144 rayonda müvəqqəti yerləşdirmə məntəqələri də məhv edilib.
Zərintac Mayisqızı
