“Avropa hökumət rəsmiləri Kremlin rəhbəri Vladimir Putinin növbəti iki ildən NATO müttəfiqlərinə zərbə endirmək üçün istifadə edəcəyindən qorxurlar – Tramp Ağ Evdə olduğu və Aİ hələ də ordularını bərpa etmədiyi bir vaxtda”.
Zefer.media xəbər verir ki , bu barədə danışıqlarda birbaşa iştirak edən üç Aİ rəsmisi bildirib.
Qeyd olunur ki, ABŞ Avropadan çıxır, transatlantik münasibətlər pisləşir və Aİ hələ özünü müdafiə etməyə hazır deyil. Avropa rəsmilərinin fikrincə, Kreml liderinin alyansın gücünü sınamaq üçün istifadə edə biləcəyi an məhz budur.
Finlandiyalı Avropa Parlamentinin üzvü Mika Aaltola deyib ki, “Çox tezliklə nəsə baş verə bilər – Rusiyanın fürsət pəncərəsi var”.
Rəsmilər NATO ölkəsinə qarşı tammiqyaslı quru hücumunun mümkün olmadığını ifadə edirlər: “Rusiya Ukraynadakı müharibədən yorulub. Bunun əvəzinə, onlar daha hədəflənmiş bir şeydən – ittifaq daxilində qeyri-müəyyənlik yaradacaq və nifaq salacaq əməliyyatlardan danışırlar”.
Zərintac Mayisqızı
