Ermənistanın ikinci prezidenti Robert Köçəryan Surb Qriqor Lusavoriç Tibb Mərkəzindən İrəvan-Kentron Həbsxanasına köçürülüb.
Zefer.media xəbər verir ki, keçmiş prezidentin vəkili Aram Orbelyan bildirib:
“Müayinələrin nəticələrinə əsasən həkimlər Köçəryanın vəziyyətini qənaətbəxş hesab ediblər və onu evə buraxmaq qərarına gəliblər”.
Lakin müdafiə vəkili keçmiş prezidentin səhhəti nəzərə alınmaqla cəzaçəkmə müəssisəsinə köçürülməni problemli hesab edir. O bildirib ki, Köçəryana təxminən iki həftə əvvəl stent qoyulub və onun təxminən eyni müddət ərzində tibbi müşahidə altında qalması daha məqsədəuyğun olardı. Orbelyan qeyd edib ki, prosedurdan sonra bir ay ərzində vəziyyətinin pisləşmə riski artmaqdadır.
Orbelyan həmçinin deyib ki, keçmiş prezidentin həbsi ilə bağlı məhkəmənin qərarını hələ almayıb. Müdafiə tərəfi sənədə baxdıqdan sonra apelyasiya şikayəti verib-verməyəcəyinə qərar verəcək.
Zərintac Mayisqızı
