Hörmüz boğazı ABŞ-İran memorandumu çərçivəsində nəzərdə tutulan şərtlər yerinə yetirilənədək açılmayacaq.
Zefer.media xəbər verir ki, bu barədə İran parlamentinin sədri Məhəmmədbağır Qalibaf bildirib.
Qalibafın sözlərinə görə, blokada və neft embarqosu aradan qaldırılmalı, İranın dondurulmuş aktivləri azad edilməli, bütün cəbhələrdə təhdid və hərbi əməliyyatlara son qoyulmalı, eləcə də memorandumun digər şərtləri yerinə yetirilməlidir.
İran parlamentinin sədri memorandum çərçivəsində blokadanın və atəşkəsin aradan qaldırılması ilə bağlı əldə olunan imkanların ölkənin iqtisadi dayanıqlığının möhkəmləndirilməsinə və müdafiə qabiliyyətinin bərpasına töhfə verdiyini bildirib.
O, vurğulayıb ki, İran İslam Respublikası qarşı tərəfin addım və hücumlarına “əvvəlkindən daha ağır cavab” verməyə hazırdır.
Zərintac Mayisqızı
