Şəmkirdə qəzaya düşən hərbçilərin vəziyyəti açıqlanıb.
Şəmkir Rayon Mərkəzi Xəstəxanasından bildirilib ki, fevralın 8-i saat 16:30 radələrində Şəmkir rayonunda baş verən yol-nəqliyyat hadisəsi səbəbilə xəsarət alan 3 nəfər (kişi) xəstəxananın Təcili tibbi yardım şöbəsinə hospitalizasiya olunub.
“Onlara bədənin müxtəlif nahiyələrinin çoxsaylı travması diaqnozu təyin edilib.
Hazırda 1993 və 1994-cü il təvəllüdlü şəxslərin müalicələri Reanimasiya şöbəsində davam etdirilir. Vəziyyətləri orta-ağır olaraq qiymətləndirilir.
1997-ci il təvəllüdlü şəxsə isə zəruri tibbi yardım göstərilib və ambulator müalicə üçün evə buraxılıb”, – məlumatda qeyd olunub.
Xatırladaq ki, qəza nəticəsində 1988-ci il təvəllüdlü Altun Mustafayev aldığı ağır xəsarətlərdən hadisə yerində dünyasını dəyişib.
Həmçinin oxuyun: http://142.132.195.126/~zefermedia/h%c9%99rbcil%c9%99rimiz-q%c9%99zaya-dusdu-ol%c9%99n-v%c9%99-yaralananlar-var/
